“Quien belou belou, que Márcio chegou.”
Adaige mirandés
Por estes dies chega la Primabera. Segundo l adaige chega la fin de ls seranos. Ls dies son mais grandes i las nuites mais pequeinhas. Parece, assi, que l més de Márcio trai la fin de l friu, de ls seranos i de l’Eimbierno. Mas nun ye bien berdade. El hai outro adaige, ua spécie de segunda parte, qu’acrecenta: “Mas quien belou, bien s’ancuntrou”.
La dibersificaçon stá na natureza de las lhénguas.
Chaude Hagége, Le souffle de la langue
Cun l’eidade, daprendemos a tomar cunta de las palabras.
José Saramago, Manual de pintura e caligrafia
Las palabras nácen i muorren. Mánan antre la boca i l mundo, assi qu’hai hai ua cousa nuoba, seia eilha material ou eimaterial. Assi que demuda la rialidade, las lhénguas gánhan nuobas formas. Outras bezes ye al robés i son las palabras que demúdan la rialidade. Ye ua lhuita anterminable para séren capazes de respunder al mundo, de l lomiar, de l dezir, de l comunicar.
Se you nun soubir l sentido de la boç, serei bárbaro para aquel cun quien falo, i l que fala será bárbaro para mi.
1º Coríntios, 14:11
L amor de las lhénguas ye, talbeç, ua de las formas d’amor de las pessonas.
Claude Hagège, Dictionnaire amoureux des langues
Quando l cuco canta
I la boubielha pon
Amarga l’alrabaça
I queima l algrilon.
(Adaige mirandés)
Muorren cedo aqueilhes que ls diuses áman.
(adaige)
Era ua beç ua tie mui belhica que bibie probre i anfeliç. Era conhecida por Tie Miséria. Solo tenie ua casica meio zbarrulhada i ua laranjeira no huorto. Todo xufrie i aguantaba cun pacéncia. Todo menos ua cousa: que ls garotos de ls bezinos chubíssen a la laranjeira i comíssen las laranjas. Era até capaç de las dar a quien las quejisse, mas toda s’anrezinaba se las roubában.
De l pouco drumir i de l muito ler, secou-se-le l cérebro, de maneiras que bieno a parder l juízo.
Miguel de Cervantes, D. Quijote
L’eideia d’un mundo parfeito ancanta siempre, i ye tal la sue fuorça que mal se magina l género houmano sien algua spécie de remanses ou cuntas, ourales ou scritos. A la falta de buonos, leien-se ls malos.
Marcelino Menéndez Pelayo, Cervantes, cultura literaria
Quereis solo screbir stórias cun dibersones romanescas? (…) Fazei-lo, i sereis grandes! L pobo bai-bos a ler. Tenerá l buosso lhibro na sue prateleira cun las scobas de la graxa i l Bertoldinho.
Ramalho Ortigão, As farpas
